В година ќе се асфалтира „Абас Емин“

Улицата „Абас Емин“ ќе почека за асфалт до идната година.

Во големата градежна инвазија која изминатиов период се случува во Охрид оваа сообраќајна делница не е опфатена. Според првиот човек на градот „Абас Емин“ ќе биде современа делница со нова фекална и атмосферска канализација и водоводна мрежа. 

Георгиески верува реконструкцијата на улицата да започне пред изборите. 

-„За улицата Абас Емин, нашите административни работи завршија пред околу десетина дена. Заостанаа работите затоа што немаше консултатнт во министерството за транспорт и врски а тоа е проект кој се реализира преку Европска банка за обнова и развој. Ќе има нова атмосферската канализација, фекална и водоводна мрежа. Коловозот и тротоарите ќе бидат обврска на општината. До септември месец немаше консултант тие го избраа неодамна ние ги доставивме сите документи ги прифатија и ги испративме преведени на англиски така што сега предметот е во Европска банка за обнова и развој после таа процедура министерството ќе го распише тендерот. Се надевам дека до распишување н аизборите тендерот ќе биде распишан за да може да тече процедурата“ вели градоначалникот Константин Георгиески. 

Георгиески најави реконструкција  и компленто уредување  на влезот на Охрид од Битола, кој е во очајна состојба.