Вевчани ја чисти депонијата, ќе се поставува видео надзор, а ќе има и санкции за несовесно одлагање отпад.
Денес започнавме со чистење на депонијата која беше наменета да биде – депонија за цврст отпад. Меѓутоа за жал таа се користеше и како депонија за секаков отпад. Преполна е!
Нејзиното постојано чистење општината ја чини многу финансиски средства. Тоа се пари на сите нас граѓаните. Апелирам, повеќе да не се користи оваа локација за транспортирање на отпад.Ќе биде строго забрането, информира градоначалникот Спасе Кочоски.
На депонијата ќе се постави рампа и видео надзор. Секое непочитување ќе се санкционира, велат од општина Вевчани.
