Започна гласањето на затворениците, болните и раселените лица.
Според официјалните податоци на Државната изборна комисија (ДИК), своето право на глас, денеска ќе можат да го остварат 1.640 лица во казнено-поправните домови и лица кои се во домашен притвор, седум внатрешно раселени лица, како и 3.583 немоќни и болни кои се пријавиле за гласање во општинските изборни комисии.Во Охрид пријавени за гласање се 125 болни и изнемоштени лица, а право на глас имаат и 26 затвореници.Во изводите од избирачкиот список се запишани 1.726.795 гласачи, 77.579 избирачи се на привремена работа или престој во странство, 1.640 се на издржување казна затвор или се во притвор, а седум гласачи се запишани како внатрешно раселени лица. Во посебниот извод од избирачкиот список за лица кои поднеле пријава во ДКП во странство се запишани 1.782 гласачи.На овие претседателски избори право на глас имаат 1.808.131 граѓанин. Во Охрид вкупниот број на запишани гласачи е 52.303, а ќе се гласа на 88 избирачки места.