Долгоочекуваното прво издание на Стартап Викенд Охрид започна овој викенд – поточно на 15ти април и ќе трае се до 17ти април 2022 година во просториите на Универзитетот за Информатички науки и Технологии “Св. Апостол Павле”.
Во недела на 17ти Април со почеток од 15:30ч ќе се презентираат решенијата и ќе се избираат три победнички тима. Настанот е отворен за јавноста и секој може да дојде да ги слушне презентациите на решенијата.
Преку овој хакатон се обезбедува претприемачка авантура со 54 часовна континуирана менторска поддршка за сите учесници. Вкупно 40 ментори ќе ги поддржуваат пријавените 56 учесници и несебично ќе го споделуваат своето знаење. Звучните имиња како Cognism, Adeva, Excelerate, Howitzer,Native teams, Fitkit, Konceptiva и корпорациите Oracle, NLB Banka, IT Labs, СЕДЦ се само дел од компаниите кои со свои претставници од индустријата кои го споделија своето знаење и експертиза и се мотив за успех.
Младите стартап-ентузијасти, фриленсери и професионалци ги развиваат своите идеи во оформениот тим и денес ќе може да презентираат пред жири комисијата од истакнати ИТ-професионалци, бизнисмени, инвеститори. Поттик плус е огромната мрежа на бизнис партнери како и вредните награди преку кои првичната бизнис идеја ќе стане реалност.
“Особено не радува тоа што го почнавме првиот Стартап Викенд во Охрид со повеќе од 100 присутни. Ова е голема бројка на стартап ентузијасти која ни дава на знаење дека стартап заедницата во Македонија зема се поголем замав. Во текот на овој викенд учесниците имат и неколку работилници и континуирани менторски сесии, преку кои тимовите добиваат совети за развивање бизнис модел, маркетинг и дизајн, правните регулации, и секако, презентирање на нивните решенија.” – изјавија од организацијата „Стартап Македонија“.
Овие 54 часа ќе се “виновни” за уште многу успешни приказни и реализирани идеални решенија.