Жална вест за Охрид. Претпладнево на 48 годишна возраст , ненадејно почина градоначалникот на Охрид, проф. д-р Јован Стојаноски.
Како што дознаваме пред околу еден час Стојаноски имал тежок инфаркт.
Стојаноски е роден во Охрид, на 7ми август 1970 година.
Мандатот на градоначалникот на Општина Охрид, Проф. д-р Јован Стојаноски започна на 20.10.2017 година, после победата во првиот круг на Локалните избори 2017 година.
Тој ќе остане запаметен по неговиот ведар лик, секогаш позитивен, отворен и транспарентен градоначалник, со кој се гордееше градот и охриѓани.
Пред да стапи на финкцијата градоначалник Стојаноски беше професор со долгогодишна ценета кариера, со високо реноме и дигнитет на ФТУ Охрид. Почитуван од колегите и студентите.
Зад себе остави сопруга и две полнолетни деца.
Охриднет изразува искрено сочуство до семејството за огромната загуба!
Почивај во мир почитуван градоначалник!