Градот на поезијата испишува нова страница и во спортот.
Во Струга утрово за прв пат се организира голема спортска манифестација. Се одржа првата „ Трка на поезијата“.
Настанот се одра во согласност со протоколите за заштита од ковид 19. Целта на оваа спортска манифестација е промоција на спортот, но и креирање на нова туристичка содржина за привлекување гости.
-„ Денес се одржува првата Трка на поезијата во Струга. Се надеваме дека сите учесници ќе бидат задоволни од овој настан, атмосферата е позитивна препораките за протколот за заштита од Ковид 19 се запазени“, изјави Мими Стојаноска од здружението „Спортски мостови“.
Имаше трка од рекреативен карактер во должина од 5 км и од натпреварувачки карактер од 10 км, а за анимација на најмладите и детска трка од 1 километар.
„Чест ми е што сум учесник на првото издание на Трката на поезијата во прекрасната Струга и се надевам дека оваа манифетсација ќе прерасне во традиција и ќе има уште поголеми дистанци за нас тркачите“, вели Жикица Ивановски шамион во ултра треил трки.
„Во овој наш прекрасен грд Струга е чест да се отвори овој дебитантски настан да се даде се од себе. Мислам дека и ние и публиката ќе прдонесеме да ова прерасне во еден значаен настан и да доагаме секоја година“, вели Игор Јакимовски професионален атлетичар.
Три децении во Струга немаше градска трка. Токму затоа спортисти и ентузијасти ја организираат првата спортска манифестација , која се планира да премине во традиција.На настанот учевство зедоа околу 600 спортисти и рекреативци од земјава и странство.
Новинар Соња Рилковска