Четири медицински лица од Лабуништа заразени со корона вирус

Започна со работа пунктот во Лабуништа. По  двонеделна пауза поради самоизолацијата  на медицинскиот персонал од вчера во една смена работи амбулантата и Брзата помош во најјризичното село во струшко.

Епилогот од тестирањето  загрижувачки , четири медицински лица од кои двајца лекари се заразени во населеното место.

Лабуништа е  најголемото кризно жариште во струшко со преку триесетина заразени и седум починати лица од корона вирусот.

Пунктот  во Лабуништа е дел од  Здравствениот дом Вевчани, што  опслужува  30 000 пациенти  од најризичните села. Општина Вевчани засега е стерилна зона ,со ниту еден регистриран случај на корона ,  мерките на претпазливост се на највисоко ниво.

– „Ние работиме 24 часа, пациентите ги примаме но прво остваруваат контакт со диспечерската служба и се пополнува епидемиолошка анкета. Доколку се сомнителни при самото доаѓање им се мери температура со безконтактен томломер а потоа се упатуваат во собаа за изолација кеде им се врши преглед или им се дава терапија доколку е потребно“, вели Јован Стојкоски  директор на Здравствен дом Д-р Светозар Чочороски Вевчани.

Лабуништа , едно од најголемите села во земјава со 9000 жители,  стана главното жариште поради дијаспората,  која работи во Италија. Се вратија пред еден месец,  но не се изолираа. Безгрижно  шетаа и комуницираа со роднини, соседи и пријатели, коментираат жителите.

– „Вирусот никако да сопри,  верувајте дека 40 или 50 лица имаме починати од овој вирус Ете денес има две. Лошо е што ги праќаат Скопје овде не доаѓаат дома, долу на гробишта ги чекаат некои луѓе од фамилијата и ги закопуваат. Тешко е многу  , фатално е тешко. Што да кажам“ , вели жител на Лабуништа.

Денес невообичаено тивко во Лабуништа. Улиците празни, жителите загрижени.  Повеќето со маска и ракавици. Претпазливи,  нема веќе дружењаа  по дворови или пред продавници. Повеќето седат дома.

Новинар Соња Рилковска