Вечерва ТВ дуел Заев-Мицкоски.
Под наслов „Една година на власт, една година во опозиција“, вечерва на Македонската телевизија, ќе се одржи ТВ дуел помеѓу премиерот на Македонија Зоран Заев и лидерот на ВМРО ДПМНЕ Христијан Мицкоски. Тоа ќе биде, по скоро две децении, прво телевизиско соочување на лидерите на најголемата владејачка партија СДСМ и најголемата опозициска партија ВМРО ДПМНЕ.
Инаку, минатата недела дуелот го побара Мицкоски и веднаш беше прифатен од Заев.ТВ дуелот Заев-Мицкоски за кој владее голем интерес ќе се одржи во 20 часот.