Европско признание за општина Вевчани

Евроамбасадорот Самуел Жбогар вчера попладне  ја посети општина Вевчани.

Во рамките на својата посета, евроамбасадорот оствари средба со градоначалникот на општина Вевчани на која беше разговарано за досегашните проекти кои се реализирани или се во фаза на реализација, а се финансиски поддржани од Европската унија. Исто така, беше разговарано за можностите за идна соработка и поодршка на нови проекти кои се веќе аплицирани од страна општина Вевчани и за кои се очекува финансиска поддршка од Европската унија.

Евроамбасадорот Жбогар додели и признание на општина Вевчани за досегашната успешна соработка и активната вклученост на општината во искористување на европските фондови.

Во рамките на својата посета, евроамбасадорот изврши увид во градежните работи на проектот кој има за цел изградба на заобиколен пат и партерно уредување во спортско образовниот комплекс, како и изградба на шеталиште по должината на Вевчанска река. Овој проект е финансиски поддржан од страна на Европската унија преку ЕУ ИПА грантот за рурална инфраструктура.