Синоќа на охридскиот плоштад, веднаш до споменикот на Свети Климент , ечеше арапска музика.
Во традиционална исламска облека со силен звучник и микрофон едно машко лице пее арапска музика. За возврат добива пари од дел од минувачите.
Согласно законот, за јавен настап потребна е посебна дозвола од општина Охрид. Според информациите кои ги добивме лицето, кое веќе неколку денови ги менува локациите низ градот и гласно пее, не поседува таква дозвола.
За добивање на одобрение за јавен настап се поднесува барање во секторот за урбанизам, тоа е законска процедура, што мора да ја исполнат сите музичари кои заработуваат по градските улици.
Во спротивно инспекциските служби и полицијата се должни да ги отстрануваат. Надлежните пак, во општината се должни да проценат кој смее а кој не смее да „музицира“ низ градот.