Тројцата универзитетски професори подготвени за фер и демократски избори.
Кандидатите за нов шеф на државата, кодексот за фер избори го потпишаа пред членовите на Државната изборна комисија.Тројцата пред потпишувањето на етичкиот кодекс, срдечно се поздравија и пријателски си поразговараа.Универзитетските професори, Гордана Силјановска, Стево Пендаровски и Блерим Река, ветија дека, тоа што го потпишаа денеска во ДИК, нема да остане само на хартија. Силјановска рече дека, за неа етичките правила се поважни дури и од правото и правдата.Единствената дама во претседателската трка, изборите ги изедначи со правото и правдата што е мотив плус строго да се придржува до нив. Блерим Река, пак, нагласи претстојните избори се искушение и за државата.Овие избори за Река се предвесник за нова страница во изборната историја на земјава. Мирно и сталожено, додаде дека оваа трка е далеку од трка за живот или смрт.Пендаровски, пак, се осврна на самата пракса на потпишување на Кодексот за која во име на сите кандидати вети дека ќе биде далеку од само потпис на хартија.Официјално, кампањата за претседателските избори почнува утре, а завршува на 19 април на полноќ. Првиот круг на гласање за претседателските избори ќе се одржи на 21 април, а вториот на 5 мај.