Трактористот бил префрлен на скопскиот Ургентен каде починал.
Синоќа во 18.55 часот на регионалниот пат Струга-Дебар случена е сообраќајна незгода помеѓу патничко возило „фолксваген голф“ со охридски регистарски ознаки, управувано од Н.Ќ.(56) од охридското село ГорноЛакочереј и трактор без регистарски ознаки, управуван од М.Ф.(48) од струшкото село Велешта. Во незгодата М.Ф. се здобил со тешки телесни повреди и бил пренесен во Медицинскиот центар во Струга, а потоа во Комплексот клиники „Мајка Тереза“ во Скопје, каде починал. Н.Ќ. се здобил со телесни повреди и бил пренесен во Медицинскиот центар во Струга за укажување на лекарска помош.
– По наредба на Јавен обвинител телото на починатиот било дадено за обдукција а увид на местото на настанот извршила екипа од полициската станица Струга, информира Стефан Димоски, портпарол на СВР Охрид.