За време на Велигденскиот пост секој посен рецепт е добредојден. Охриднет споделува манастирски посни и здрави рецепти со своите читатели.
Паштета од лешници и печени пиперки
200 грама печени пиперки исчистени
50 грама лешници ољупени
2 кришки леб, ако ја правите паштетата на масло пред да ги потпечете кришките премачкајте ги со маслиново масло или со маргарин и печете ги додека заруменат, доколку паштетата ја правите на вода само ги потпечувате да заруменат
½ лажица чили
Лукче 3-4 чесниња
Сол и оцет по вкус
75 милилитри вода или ако ја правите на масло 75 мл маслиново масло
Лешниците се потпечуваат и се мелат или блендираат заедно со лебот, пиперките лукчето, оцетот и солта. Ако паштетата ја правите на вода се додава вода додека ги миксирате овие состојки се до добивање на саканата густина, ако пак ја правите паштетата на масло додавате маслиново масло.