Ученици од Крагуевац во посета на Охрид во рамки на научната екскурзија „По патот на кирилицата“

Педесет ученици од Средната стручна школа од Крагуевац, Република Србија, го посетија Охрид во рамки на научно-образовната екскурзија под мотото „По патот на кирилицата“. Во рамки на посетата, учениците го посетија и Почесниот конзулат на Република Србија во Охрид.

Делегацијата ја предводеше професорката Нада Спалевиќ, заедно со свои колеги, а домаќин им беше почесниот конзул на Република Србија во Охрид, Михајло Филев.

Фолев истакнува дека посетата претставува значаен придонес во унапредувањето на образовната и културната соработка, како и во зајакнувањето на пријателските врски меѓу младите од двете земји.

Охрид и Крагуевац се збратимени градови кои со години негуваат пријателски односи и соработуваат на повеќе полиња.

„Ваквите научно-образовни проекти и соработки, како и меѓусебното запознавање, размената на знаења и дружењето меѓу младите, претставуваат драгоцен придонес во градењето квалитетни и професионални кадри, но и во создавањето посветла иднина за младите генерации од двете братски држави“, наведува Филев.

Тој додава дека токму младите се иднината и продолжувачите на вековниот мост на пријателство, почит, разбирање и соработка меѓу двата народа.

Social profiles

Охрид

Струга

Вевчани