ФОТО: Жени во буркини си пливаат во Охрид

Топлото време ги преполни охридските плажи. Вчера на плажата во комплексот „Свети Стефан“ две жени од исламска заедница, прекриени во „буркини“ се разладуваа во Охридското езеро.

Буркини е  костим за капење, кој ги исполнува прописите на шеријатот за облекување на муслиманките, со коишто е прекриено поголемиот дел од телото.

На традиционалните облеки за муслиманските жени – бурката и хиџабот во светот  не се гледа позитивно. Во Франција се забранети да се носат во образовните институции и во јавните служби.Законот кој стапи на сила 11-ти април 2011 година го забранува носењето на јавни места и на улици „целосен превез“, како што се иранската паранџа, арапските никаб и бурка, кои се широко прифатени кај Авганистанките и Пакистанките. Сите видови муслимански облеки за жените целосно ја прекриваат фигурата на жената а бурката го прекрива целосно и лицето. Според законот, појавувањето на јавно место, како улици, паркови, плажи, продавници, ресторани, театри, железнички станици, административни и образовни институции, болници, музеи, библиотеки, спортски објекти и во јавниот превоз, со целосно покриено лице повлекува казна од 150 евра.

На муслиманските жени во Франција им е дозволено да ги носат споменатите видови облека кои ги прекриваат лицата дома, во хотелски соби, во простории организации од затворен тип, на места за вршење богослужба и на верски процесии.