Угостителот нелегално поставил урбана опрема.
Секторот за внатрешни работи Охрид, поднесе кривична пријава против С.М.(25) од селото Волино, општина Дебарца, поради постоење основи на сомнение за сторено казнено дело ,,узурпација на недвижности“. Тој, како управител и сопственик на правното лице ,,СТЕФАН ХАР“ ДООЕЛ Охрид, со седиште на кеј „Македонија“ во Охрид, поставил урбана опрема без одобрение за поставување маси и столици на јавна површина и без да плати соодветен надоместок на општина Охрид. На 10.07.2019 година, при извршена контрола, општински комунален инспектор изготвил записник и донел решение за отстранување на урбаната опрема по кои, пријавениот не постапил и продолжил со нелегална работа.