„Храбро срце“ на состаноци со надлежните институции

Здружението „Храбро срце“ на состаноци со надлежните. Подигнување на јавната свест за органодарителство и олеснување на животот на пациентите кои живеат со механичка потпора на срце и чекаат трансплантација. 

 

Законот за трансплантација гласи: СЕКОЈ ГРАЃАНИН НА ДРЖАВАВА Е ПОТЕНЦИЈАЛЕН ДОНОР, ОСВЕН АКО ВО ТЕКОТ НА ЖИВОТОТ НЕ ИЗЈАВИЛ ДЕКА ПО СМРТТА НЕ САКА ДА ГИ ДОНИРА ОРГАНИТЕ.  СИТЕ СМЕ ПОТЕНЦИЈАЛНИ ДОНОРИ И НА ОВАА ТЕМА ТРЕБА ДА СЕ ЗБОРУВА ВО КРУГОТ НА СЕМЕЈСТВОТО ЗАШТО ПО НЕЧИЈА СМРТ, ОДЛУКАТА ЈА НОСИ ФАМИЛИЈАТА ДАЛИ ЌЕ ДОНИРА ИЛИ НЕ.

Во изминатиот период Здружението „Храбро срце„ одржа низа состаноци   со надлежните институции и  со Министерот Венко Филипче при што  беа разгледани сите барања во поглед на трансплантацијата.

Од Министерство кажаа дека Законот за е изгласан на 8.1.2020 година, се работи на системот за отпочнување со трансплантација на срце во нашата држава, постои програма за работа, постои национална листа на пациенти на кои им е потребна трансплантација, но недостигале органи. Свеста кај народот е на многу ниско ниво. Исто така во тек е доделувањето лиценци кои центри ќе ја вршат оваа комплексна интервенција, но тоа ќе се изврши кога ќе се најде орган.

-„Исто така, од Министерот добивме поддршка за реализирање на национална кампања за подигнување на свеста кај народот за органодарителство затоа што тврдат дека најголем проблем во моментов е недостатокот на органи. Ние како Здружение активно работиме на тоа поле за подигнување на свеста кај народот, веќе имаме активна facebook страница каде што луѓето можат да се информираат за уредите кои се имплантираат, како функционираат, кога се имплантираат, како се живее со нив – литература која за прв пат е преведена на македонски јазик“, велат од здружението. 

Пред состанокот со министерот бевме на состанок со националниот координатор за трансплантација д-р Маја Мојсова и добивме информација дека сите пациенти со срцева слабост се на листата за трансплантација и во следниот период ќе се отпочне со испитувања, со т.н. HLA типизации и ќе се внесат во системот со цел да бидат показатели за компатибилноста на органот од дарителот со реципиентот.

Состаноци одржаа и со директорите на ФЗО,  Ден Дончев и Орхан Рамадани при што ги изложија  навните  барања кои се многу важни за постоперативниот третман на ваквите пациенти.

-„Зашто грижата за ваквите пациенти е многу скапа. Тука станува збор за потрошни материјали кои се употребуваат за преврски на раните на неделно ниво, потрошни материјали за апаратчето за мерење густина на крвта која се прави секојднево, а исто така е многу скапа, за замената на батериите по истекот на циклусите кои исто така се многу скапи за нашиот стандард и сл. Досега сите контролни прегледи што ги правиме во болниците каде што сме оперирани се на наш трошок, материјалите кои ги набавуваме за преврските се на наш трошок, апаратчињата за мерење коагулација на крв исто се на наш трошок, но сето тоа е многу голем финансиски трошок и ние не сме во можност да го подмириме сето тоа.
Наидовме на разбирање и рекоа дека ќе ги разгледаат нашите барања и соодветно ќе одговорат“, изјавија од Здружението „Храбро срце“. 

Во сите други земји каде што се имплантираат вакви уреди трошоците за постоперативниот период ги подмирува државата. По нивниот пример, се надеваме за позитивен одговор од ФЗО.Се надеваме на меѓусебна соработка со институциите како и подигнување на свеста кај народот за органодарителството воопшто. – изјавија  од Здружението.

Social profiles

Охрид

Струга

Вевчани